All Episod vun "Iwwer Gott an d'Welt" exploréiert en anert Gebitt vum humanisteschen Denken an Handelen, vu Politik iwwer Reliounskritik, Vernonft, Selbstbestëmmung, Fräiheet, Wëssenschaft, Kierchekritik a Verantwortung bis zur Popkultur.
Wann Dir Iech als Humanist, Atheist, Agnostiker ugesinn, oder wann Dir méi iwwer Humanismus, Atheismus an Agnostizismus gewuer wëllt ginn, da lauschtert an dës Sendung ran, all 3. Densdeg vum Mount um 19:30 Auer op https://www.ara.lu/live/ oder FM 102,9 an 105,2.
Dir fannt eise Podcast
bei acast.com: https://embed.acast.com/645df37d715af100118bf635?feed=true
bei spotify.com: https://open.spotify.com/show/6oiHpkjKqMuKTGl6FxfIGm
bei Apple Podcasts: https://apple.co/3nXK46A
Hei den Iwwerbléck iwwer dei eenzel Episoden
Episode 24 - Advocating for humanist values at EU level
9. April 2024
An dëser 24. Episode vun “Iwwer Gott an d’Welt” berichte mer iwwer den Asaz fir humanistesch Wäerter um EU Niveau. Fir d'éischt schwätzt de Bob mam Tania Giacomuzzi Mota, Advocacy Officer bei Humanists International, iwwer seng Aarbecht "zu Bréissel" an iwwer eng rezent Initiative déi am Kader vum European Policy Forum vum Tania koordinéiert gëtt, dem Humanist Pledge (https://humanists.international/pt/what-we-do/advocacy/humanist-pledge/). Am zweeten Deel lauschtere mer ran an eng Pressekonferenz vun EUMANS iwwer eng Petitioun beim EU Parlament zum Recht op Euthanasie (https://www.eumans.eu/online-press-conference-28-end-life-ngos-launch-petition-european-parliament-voluntary-assisted), déi AHA Lëtzebuerg mat initiéiert huet.
Episode #23: The right to say no to (imposed) religious education
12. März 2024
An dëser 23. Episode vun “Iwwer Gott an d’Welt” ënnerhalen de Lex an de Bob sech mat 2 Gäscht iwwer d'Thema Reliounsunterrecht an der Schoul. Fir d'éischt schwätze si mam Panayote Dimitras aus Griichenland iwwer d'Situatioun a sengem Land a wat hien, mat aneren, ënnerhëlt fir d'Rechter vun Eltere besser ze schütze wa si hier Kanner net um Reliounsunterrecht wëllen deelhuele loossen. Am zweeten Deel schwätzen si mam Gilles Retter iwwer d'Situatioun zu Lëtzebuerg a wéi mir zu där international dach eenzegaarteger Situatioun vum "Vie et Société" Kuer komm sinn.
Episode #22: Feminismus
13. Februar 2024
An dëser 22. Episode vun “Iwwer Gott an d’Welt” ënnerhalen de Lex an de Bob sech mam Jessica Lopes vun der ASTI. Si schwätzen iwwer Feminismus, de Kampf fir d'Rechter vu Fraen, d'Fuerderungen no sozialer Gerechtegkeet an d'Virurteeler géint déi feministesch Aktivist*innen ze kämpfen hunn. Weider Infos: https://fraestreik.lu/marche2023/
Episode #21: Kënschtlech Intelligenz
9. Januar 2024
An dëser 21. Episode vun “Iwwer Gott an d’Welt” ënnerhalen de Lex an de Bob sech mam Dr Serge Linkels, Informatiker. Si schwätzen iwwer KI, Kënschtlech Intelligenz, wat dat ass, wéi et funktionnéiert a wéi eng nei Chancen sech duerch dës Technologie erginn awer och wei eng Geforen dovunner ausginn.
Episode #20: Wéi erliewen Humanisten, Atheisten an Agnostiker Chrëschtdag?
12. Dezember 2023
An dëser 20. Episode vun "Iwwer Gott an d'Welt" ënnerhalen de Lex an de Bob sech iwwer ee Buch wat si zwee gelies hunn a wat ganz gutt an d’Saison passt: "The Atheist’s Guide to Christmas”. Si verziele wéi si déi eenzel Kapitel vum Buch erlieft hunn.
Episode #19: D'Recht op Selbstbestëmmung am Iran
14. November 2023
An dëser 19. Episode vun "Iwwer Gott an d'Welt" schwätzen, am éischten Deel, de Lex an de Bob iwwer d'Narges Mohammadi, hier Liewen an hiert Wierken an natierlech driwwer datt si dëst Joer de Friddensnobelpräis krut an, am zweeten Deel, ënnerhält sech de Lex mam Mina Richman, enger Musekerin vu Bielefeld mat iranesche Wuerzelen, dei sech selwer "ehrlich, queer, selbstbestimmt" nennt, iwwer hier Musek. Weider Infos zur Musek vum Mina Richman: https://minarichman.de/
Episode #18: White Metal
10. Oktober 2023
An dëser 18. Episode vun "Iwwer Gott an d'Welt" klärt de Lex eis iwwer "White Metal" op, eng dach onerwaarten an iwwerraschend Kombinatioun vu Musik a Relioun.
Episode #17: Harmful Traditional Practices in Nepal
19. September 2023
In this 17th episode of “Iwwer Gott an d’Welt”, Bob chats with Uttam Niraula, humanist and human rights activist from Nepal. Uttam tells us about the endeavours of the “Society for Humanism Nepal” to promote human rights and about their work to fight “harmful traditional practices” in Nepal. For more information about SOCH Nepal please visit their website: https://sochnepal.org
Episode #16: Welthumanistekongress 2023
15. August 2023
An dëser 16. Episode vun "Iwwer Gott an d'Welt" ënnerhalen de Lex an de Bob sech iwwer den Welthumanistekongress 2023 deen Ufanks August zu Kopenhagen stattfonnt huet. De Motto vum Kongress wor: Building better democracies through humanist values. Méi Infos zum WHC2023 fannt dir hei: https://whc2023.com.
BONUS Material: dem Dr Leo Igwe seng Ried
Episode #15: Philosophie am Radio
18. Juli 2023
An dëser 15. Episode vun “Iwwer Gott an d’Welt” ënnerhalen de Lex an de Bob sech mam Lukas Held, Philosoph, Philos- and VieSosprof. Si schwätzen iwwer dem Lukas seng Radiosendung “Seismograf” an iwwer de Podcasf wou hien mam Gilles Retter zesumme produzéiert, notamment iwwer dem Lukas seng Motivatiounen an Hoffnungen déi hien dozou dreiwen fir d’Philosophie an d’Philosophéieren engem mei breede Publikum zougänglech ze maachen.
Episode #14: 13 Joer AHA Lëtzebuerg
20. Juni 2023
An dëser 14. Episode vun "Iwwer Gott an d'Welt" ënnerhalen de Lex an de Bob sech iwwer d'Jubiläumsfeier dei den 20. Mee 2023 stattfonnt huet fir den 13. Anniversaire vun AHA Lëtzebuerg ze féieren. Si verzielen wat d'Highlights vun deenen 13 Joer waren, wat op der Table Ronde diskutéiert gouf a loosse Léit aus dem Publikum zu Wuert komme mat Luef, Ureegungen an awer och méi kriteschen Téin.
Episode #13: La psychologie de la vaccination
16. Mee 2023
Entretien avec Olivier Klein, professeur de psychologie sociale à l’Université libre de Bruxelles, sur la “psychologie de la vaccination”. Nous avons discuté des processus psychiques, sociaux et culturels susceptibles d’alimenter l’hésitation vaccinale, mais aussi des moyens pour augmenter la couverture vaccinale des populations réticentes.
Episode #12: Fostering Critical Thinking
18. Abrëll 2023
Conversation with Dr Leo Igwe, Nigerian humanist activist and debunker of witchcraft allegations
Episode #11: Darwin Day - Deel 2
21. März 2023
Conversation with Dr Laith Al-Shawaf (University of Colorado)
Episode #10: Darwin Day - Deel 1
21. Februar 2023
Conversation with Dr Laith Al-Shawaf (University of Colorado)
Episode #9: Krich an der Ukraine
17. Januar 2023
Conversation with Urtė Žukauskaitė & Gytautè Gineitytè (Laimingas žmogus) and with Dr Daniel Porcedda
Episode #8: Revolutioun am Iran
20. Dezember 2022
Conversation with Soheil Banejshafiee
Episode #7: Buchkritik "Säkularismus - Zukunft des Christentums"
15. November 2022
Episode #6: Emanzipatioun & Antisemitismus zu Lëtzebuerg
18. Oktober 2022
Gespréich mat der Dr Renée Wagener
Episode #5: Toleranz a Respekt
20. September 2022
Episode #4: Verschwörungstheorien
16. August 2022
Gespréich mam Christian Meyers
Episode #3: Glawen an Aberglaube
19. Juli 2022
Episode #2: World Humanist Day
21. Juni 2022
Conversation with Andrew Copson, President of Humanists International
Episode #1: Virstellung vun AHA
17. Mee 2022
